|
Gente que tedes coche, e peóns desamaparadxs:
Isto é umha ferramenta para compartir o carro publicando num taboleiro virtual as viagens em coche que imos fazer. Animamos-vos a participar da iniciativa: reduze-se o consumo de gasofa, o número de carros em circulaçom, aforram-se quartos, e conhece-se gente. E indirectamente: nom contribues ao urbanismo automobilístico, nem às grandes estradas, etc...
O funcionamento é singelo: para ver as viagens que se vam fazer, basta com fazer click no Almanaque. Desde aí, das-lhe a viagem que che interessa, e aí tes a info, contacto, ... Se fazedes click nos dias que estám cheios, vos podedes atopar com mais viagens das que aparecem na primeira vista. Também pode ser mais cómodo dar-lhe a "ver semana" no canto de "ver mes".
Para publicar as tuas viagens hai que registrar-se e iniciar a sessom (é de balde, por suposto; na pestanha "Entrar"). Depois, na mesma seçom de Almanaque, das-lhe a "Añadir evento", cumplimentas o formulário, e listo. Para facilitar as cousas a outrxs usuárixs:
- procura especificar as infos de gastos (compartidos, etc), estrada/autoestrada, horário de saida e chegada, paradas, nº de praças livres que tes no carro, e se tes espaço pra equipagem, etc. - publica todas as viagens no dia que as fagas. Exemplo: aínda que ponhas que vas de fene a viveiro um dia e que voltas dous dias depois num post o 10 de dezembro, publica também no 12 de dezembro a viagem viveiro-fene. - se nom se repite a viagem, na publicaçom deixa no calendário a mesma data com Data inicial e como Data final. Podes especificar as horas, em hora inicial e hora final se queres podes ponher a hora estimada de saida e a hora estimada de chegada (início e final da viagem). Também podes seleccionar a opçom pra nom indicar a hora. - se se repite a viagem, tes que ponher: até a data na que se repite, e a frequência (selecionando os parámetros adecuados).Esta dirección de correo electrónico está protegida contra los robots de spam, necesita tener Javascript activado para poder verla Hai umhas categorias coas cidades assi mais grandes, pero bom, isso só serve para procurar as viagens por cidades. Aí indica-se a cidade de saida, ou se hai algumha dessas cidades perto, pode indicar-se também... Em princípio está pensado para viagens que saiam de galiza, dentro de galiza, ou que cheguem a galiza (pero vaia, se se escapa algo nom hai falho... mal que bem este é um país difuso, : ).
Como vedes nom é umha interfaz que poda ter muitíssimo uso de jeito funcional (se somos muitxs igual se começa a embarulhar, e tal). Mas pensamos em iniciar algo pequeno porque os grandes projectos adoitam rematar requerindo muito esforço e ao final pode que nem tenham uso: ficam como bonitas carcasas baleiras sem nada que as encha... Se vai tendo uso e se nos queda pequeno, já se buscaram jeitos de milhora-lo.
Qualquer dúvida consulta a Ajuda (podes ve-la numha pestanha quando publicas), ou escreve-nos ao:
Esta dirección de correo electrónico está protegida contra los robots de spam, necesita tener Javascript activado para poder verla
Já nom hai escusa para usar o carro coma um monopraça! : )
hala, viajade muito (pero olho co turismo, eh), difundide a ideia, e passade-o bem! |